admin 
ថ្ងៃទី២៨ ខែតុលា ឆ្នាំ២០២៣
លោក ទុំប៉ែន វីរៈវិទូ ប្រធានបណ្ដាញសង្គមសុីវិលកម្ពុជា(CCN) និងក្រុមការងារ បានសហការជាមួយអង្គការYUNDI ប្រទេសចិន ធ្វេីកម្មវិធីទំនាក់ទំនងវប្បធម៌កម្ពុជា–ចិន ក្នុងគោលបំណងជម្រុញកុមារឱ្យចូលចិត្តអានសៀវភៅ សរសេរអក្សខ្មែរ-ចិន ដេីម្បីរួមគ្នាការពារនិងអភិវឌ្ឍកុមារ ក្រោមម្លប់សន្តិភាពក្នុងយុគ្គសម័យឌីជីថល ដោយមានការចូលរួមពីកុមារា កុមារីស្ថិតក្នុងឃុំបិតត្រាង លោកមេឃុំបិតត្រាងនិងសហការី លោក អុី ធារិន អភិបាលស្រុកព្រៃនប់និងសការី ព្រមទាំងអាណាព្យាបាលកុមារ។
ក្នុងកម្មវិធីលោកអភិបាលស្រុកមានចិត្តរីករាយជាខ្លាំងដល់ក្រុមការងារCCN បានដឹកនាំនិងស្វែងរកដៃគូរអង្គការពីប្រទេសចិន ដេីម្បីពង្រឹងនិងពង្រីកទំនាក់ទំនងរវាងប្រជាជនកម្ពុជា–ប្រជាជនចិន គ្រប់វិស័យ ហេីយទាំងនេះជាគម្រូល្អដល់ជាតិសាសន៍ទាំងពីរ។
ទាំងកុមារ ទាំងអាណាព្យាបាល សម្ដែងក្ដីសប្បាយរីករាយចំពោះសកម្មភាពទាំងនេះ ដែលធ្វេីឱ្យកូនៗរបស់គាត់ទទួលបានចំណេះដឹងបន្ថែមលេីការអាន ការសរសេរ ថែមទាំងយល់ពីវប្បធម៌ចិន ដែលបានមកជួយកម្ពុជាទាំងសេដ្ឋកិច្ច សង្គម វប្បធម៌។
លោកប្រធានCCN បានលេីកឡេីងពីជំហររបស់ CCN ថានឹងខិតខំឱ្យពីសមត្ថភាពក្នុងការគៀងគរ ទំនាក់ទំនាក់គ្រប់បណ្ដាសមាគម អង្គការរបស់ប្រទេសចិនឱ្យមកជួយថែមទៀតទាំងវិស័យអប់រំ វប្បធម៌ សុខាភិបាល វិនិយោគ ក្នុងគោលបំណងជួយដល់កុមារ យុវជន ប្រជាពលរដ្ឋកម្ពុជាតាមលទ្ធភាពដែលអាចធ្វេីទៅបាន។
តំណាងអង្គការYUNDI បានសម្ដែងក្ដីរីករាយជាខ្លាំងដែលឃេីញកុមារកម្ពុជាអាចសរសេរអក្សរចិនបានល្អ ឆាប់យល់ ហេីយអង្គការនិងបន្តជួយក្នុងកម្មវិធីនេះបន្តទៀត ទោះជាលេីកនេះមានកម្មវិធីបន្តិចបន្តួចក៏ដោយ តែនឹងបន្តជួយថែមទៀត ក្នុងការផ្សាភ្ជាប់ទំនាក់ទំនងចិន–កម្ពុជា មិត្តដែកថែប, ទំនាក់ទំនងត្បូងពេជ្រ និងសម្រេចបានជោគវាសនារួម និងបន្តអភិវឌ្ឍន៍សេដ្ឋកិច្ចបៃតង។
